Тушда балиқ кўрса
Пишган балиқ. Агар киши пишган балиқни тушда кўрса, сафарга кетади.
Денгиз балиқчи қуши. У тушда аёл кишидир. Ким уни сўйиш учун олса ва ҳалқумига уч бор пичоқ тортса- ю, пичоқ қайрилиб кетса, сўнг тўртинчи уринишда уни сўйса, бокира аёл билан муомала қилади-ю, тўртинчи мартасида унга эришади.
Денгиз. Кимки денгиздан юриб кетаётган бўлса, душманини енгади, агар чўкаётган бўлса, жазога тортилади. Денгиз тўлқинланаётганлигини кўриш ташвиш ва бесаранжомликка далолат.
Денгизчи. Тушда денгизчини кўрсангиз, ўртоқларингиздан бири билан узоқ вақтга ажрашасиз.